ជោគវាសនារបស់ខ្សែការពារ Alphonso Davies គ្រោងនឹងមានការផ្លាស់ប្តូរមួយផ្សេងទៀត ខណះដែលបិសាចក្រហម Manchester United កំពុងតែត្រៀមកញ្ចប់ទឹកប្រាក់ធំមួយដើម្បីព្យាយាមលួងលោមកីឡាករមួយនេះ។

អនាគតរបស់ Davies បានក្លាយជាការពិភាក្សារដ៏ក្តៅគគុកមួយចាប់តាំងពីការចាប់ផ្តើមនៃរដូវកាលនេះ ខណៈដែលកិច្ចសន្យារបស់កីឡាករសញ្ជាតិកាណាដាជាមួយក្លឹប Bayern Munich នឹងត្រូវផុតកំណត់នៅរដូវក្តៅឆ្នាំ 2025។ ទោះជា Bayern កំពុងតែព្យាយាមចរចារដើម្បីដាក់កុងត្រាថ្មីក៏ដោយ ប៉ុន្តែ Davies បានទទួលនូវសំណើរជាច្រើន ដោយ Real Madrid នឹង Man United ពេលនេះជាបេក្ខភាពនាំមុខទាំងពីរ។

បើតាមសារព័ត៌មាន AS របស់អេស្ប៉ាញ ពេលនេះ Man United គឺជាក្រុមដែលកំពុងតែព្យាយាមប្រឹងប្រែងយ៉ាងខ្លាំងដើម្បីស្វែងរកខ្សែការពារស្វាបឆ្វេងថ្មីមួយ ខណះ​ Real Madrid ហាក់ដូចចង់ដកខ្លួនម្តងបន្តិចទាំងដែលធ្លាប់មានប្រភពជាច្រើនថា Davies បានយល់ព្រមក្នុងការចូលរួមជាមួយក្លឹបយក្សអេស្ប៉ាញកាលពីដើមសប្តាហ៍មុនរួចទៅហើយក៏ដោយ៕