កីឡាករ Nicolas Jackson បានប្រាប់ទៅកាន់មនុស្សគ្រប់គ្នាទាំងកំហឹងថា គេមិនមែនជាគូប្រជែង រឺអ្នកស្នងតំណែងនោះឡើយ នៅពេលត្រូវប្រៀបធៀបទៅនឹងវីរកីឡាកររបស់ Chelsea ពោលគឺ Didier Drogba។

រដូវកាលដំបូងរបស់ Jackson ជាមួយ Chelsea មិនបានដើរតាមការគ្រោងទុកនោះឡើយ ដោយគេបានរងការរិះគន់យ៉ាងខ្លាំង ទាំងដែលស៊ុតបាន 17 គ្រាប់ក៏ដោយ។ ខ្សែប្រយុទ្ធសេណេហ្កាល់រូបនេះក៏បានទទួលស្គាល់ថាខ្លួនមិនពេញចិត្តចំពោះទម្រង់លេងរបស់ខ្លួនឯងដែរ ប៉ុន្តែរូបគេមិនចង់លឺការប្រៀបធៀបទៅនឹង Drogba នោះឡើយ ក្រោយស៊ុតបាន 7 គ្រាប់នឹងបញ្ជូនអោយមិត្តរួមក្រុមរកបាន 3 ដងក្នុងចំណោមការប្រកួតលីគកំពូលអង់គ្លេសេ 12 ប្រកួត។

បើតាមការអោយដឹងពីសារព័ត៌មាន The Daily Mail សាមីខ្លួនកីឡាករ មានភាពខឹងសម្បាចំពោះអ្នកដែលបានលើកការប្រៀបធៀបបែបនេះឡើង ព្រោះខ្លួនជាកីឡាករចំណូលថ្មីមួយដែលមិនទាន់អាចបង្ហាញនូវសមត្ថភាពពេញលេញបាន បើប្រៀបទៅនឹង Drogba ដែលគ្រប់គ្នាចាត់ទុកថាជាខ្សែប្រយុទ្ធល្អមួយក្នុងចំណោមខ្សែប្រយុទ្ធល្អបំផុតទាំងក្នុងប្រវត្តិសាស្ត្រក្លឹប លីគអង់គ្លេស នឹងពិភពលោកទាំងមូល៕