គ្រូបង្វឹកក្រុមកាំភ្លើងធំ Arsenal លោក Mikel Arteta បានបង្ហាញពីការគាំទ្រមិនរាថយចំពោះកីឡាករ Bukayo Saka ក្នុងការដើរតាមគន្លងនិមិត្តរូបរបស់គេ ពោលគឺ Cristiano Ronaldo។

Saka ពេលនេះកំពុងឡើងជើងយ៉ាងខ្លាំងសម្រាប់រដូវកាលថ្មី ដោយអាចរួមចំណែកក្នុងការរកគ្រាប់បាល់នឹងបញ្ជូនអោយមិត្តរួមក្រុមចំនួន 7 លើកក្នុងការបង្ហាញខ្លួន 3 លើកចុងក្រោយ។ នៅក្នុងជំនួបទល់នឹង West Ham ខ្សែប្រយុទ្ធវ័យក្មេងរូបនេះ ស៊ុតចូលមួយគ្រាប់នឹងបញ្ជូនបាល់ 2 ដងដើម្បីផ្តួលក្រុមម្ចាស់ផ្ទះក្នុងលទ្ធផល 5-2។

ក្រោយឃើញការឡើងទម្រង់លេងបែបនេះ បានកោតសរសើរចំពោះទម្រង់លេងរបស់ Saka យ៉ាងខ្លាំង ដោយរំពឺងថាខ្សែប្រយុទ្ធវ័យ 23 ឆ្នាំរូបនេះអាចដើរតាមគន្លងនៃភាពជោគជ័យរបស់ Cristiano Ronaldo ដែល Saka តែងតែចាត់ទុកជានិមិត្តរូបមួយ ដោយជឿថា Saka មានការព្យាយាម នឹងផ្នត់គំនិតដូចទៅនឹងប្រធានក្រុមជម្រើសជាតិព័រទុយហ្កាល់ទាំងស្រុង៕