កំពូលកីឡាករ Lionel Messi ទីបំផុតបានជួបនូវកុមារទេពមួយរូបដែលពិភពបាល់ទាត់បានដាក់ងារថាជា Messinho រឺ Messi ប្រេស៊ីល កីឡាករ Willian Estevao នៅក្នុងការប្រកួត FIFA Club World Cup នាឆ្នាំ 2025។

ការចាប់ឆ្នោតសម្រាប់ទម្រង់ថ្មីនៃការប្រកួត Club World Cup ដែលបែងចែកជា 8 ពូលផ្សេងៗគ្នា ក្លឹប Inter Miami របស់ Lionel Messi ស្ថិតក្នុងពូល A ជាមួយក្រុមខ្លាំងពីតំបន់ផ្សេងៗដូចជា Porto, Al Ahly Cairo នឹង Palmeiras។ 

ទោះបីមិនពោរពេញដោយក្លឹបធំៗដូចជាពូលរបស់ Real Madrid រឺ Inter Milan ក៏ពិតមែន ប៉ុន្តែអ្នកគាំទ្របាល់ទាត់អាមេរិកខាងត្បូងសុទ្ធតែទន្ទឹងរង់ចាំការជួបគ្នារវាងម្ចាស់ផ្ទះ Inter Miami នឹង Palmeiras ដែលជាក្លឹប Willian Estevao កំពុងប្រកបអាជីព។ គិតមកទល់ពេលនេះ Messinho មានវ័យត្រឹមតែ 17 ឆ្នាំប៉ុណ្ណោះ ប៉ុន្តែសមត្ថភាពរបស់គេក្នុងការលេងនៅតំបន់ប្រយុទ្ធស្លាប ធ្វើអោយកីឡាករប្រេស៊ីលរូបនេះ ទទួលបានរហ័សនាមទៅតាមម្ចាស់ពាន Ballon d'Or 8 សម័យ៕