ម្ចាស់ក្រុមហ៊ុន Tesla នឹងបណ្តាញសង្គម X លោក Elon Musk គឺជាបុគ្គលល្បីចុងក្រោយមួយ ដែលបានអបអរសាទរ Cristiano Ronaldo ក្រោយជ័យជម្នះយ៉ាងធំធេងនៅក្នុងពាន AFC Champions League Elite។

Al-Nassr ទទួលបានជ័យជំនះ 3-1 យ៉ាងងាយស្រួលលើ Al-Gharafa ដែលបានចំណាយពេល 6 នាទីចុងក្រោយជាមួយកីឡាករត្រឹមតែ 10 នាក់ ។ Ronaldo បានស៊ុតបាល់បញ្ចូលទីពីរដងក្នុងការប្រកួតមួយនេះនេះ ហើយបន្ទាប់ពីការប្រកួត កីឡាករវ័យ 39 ឆ្នាំរូបនេះបានបង្ហោះនៅលើបណ្តាញសង្គម ដើម្បីអបអរសាទរជ័យជម្នះរបស់ក្រុមរបស់គាត់។ 

អ្វីដែលកាន់តែគួរអោយចាប់អារម្មណ៍នោះគឺលោក Elon Musk បានចែករំលែកបន្តនូវរូបភាពរបស់ Ronaldo ជាមួយនឹងពាក្យអបអរសាទរមួយម៉ាត់យ៉ាងខ្លី ដែលបានធ្វើអោយអ្នកគាំទ្រជាច្រើននាំគ្នាសប្បាយចិត្តដែលមហាសេដ្ឋីពាន់លានដូចជា Elon Musk បង្ហាញការចាប់អារម្មណ៍ទៅលើកីឡា ជាពិសេសខ្សែប្រយុទ្ធកំពូលដូចជា Ronaldo៕