នាវាទេសចរណ៍ឈ្មោះ AZAMARA ONWARD សញ្ជាតិ MALIA ចូលចតនៅកំពង់ផែស្វ័យតក្រុងព្រះសីហនុ

នាវាទេសចរណ៍ឈ្មោះ AZAMARA ONWARD សញ្ជាតិ MALIA ដែលមានប្រវែងបណ្តោយ ១៨០,៤៥ ម៉ែត្រ ប្រវែងទទឹង ២៨,៣០ ម៉ែត្រ នៅថ្ងៃទី០១ ខែមេសា ឆ្នាំ២០២៥ បានចូលចតនៅកំពង់ផែស្វ័យតក្រុងព្រះសីហនុ ដោយសុវត្ថិភាព ក្នុងគោលបំណងមកទស្សនា ប្រទេសកម្ពុជា រយៈពេល ១ ថ្ងៃ បន្ទាប់ពីចេញដំណើរមកពីប្រទេសវៀតណាម។ នេះបើតាមការបញ្ជាក់របស់នៅកំពង់ផែស្វ័យតក្រុងព្រះសីហនុ។

នៅកំពង់ផែស្វ័យតក្រុងព្រះសីហនុបានបញ្ជាក់ថា នាវាទេសចរណ៍នេះ មាននាវិកសរុបចំនួន ៣៨៨ នាក់ (ស្រី ៦២ នាក់) មាន ៣៧ សញ្ជាតិ និងមានភ្ញៀវទេសចរណ៍សរុបចំនួន ៦១៦ នាក់ (ស្រី ៣១៣ នាក់) មាន ២២ សញ្ជាតិ។ 

ចំនួនសញ្ជាតិដែលមានភ្ញៀវច្រើនជាងគេ គឺសហរដ្ឋអាមេរិក (២១៤ នាក់) អង់គ្លេស (១២៩) និងអូស្រ្តាលី (១៤៦) ហើយនាវាទេសចរណ៍នេះ នឹងចាកចេញទៅប្រទេសថៃ នៅវេលាម៉ោង ១៧:០០ នាទី នៅថ្ងៃដដែល។