លម្អិតករណីឆក់ទូរស័ព្ទ​ រហូតឈានដល់ចោ.រប្ល.ន់រថយន្ត​ ! សមត្ថកិច្ចចាប់ខ្លួនមន្ត្រីយោធាម្នាក់​ និងបក្ខពួកម្នាក់​ និងតាមចាប់ម្នាក់ទៀត

ករណីបង្កអោយមានការភ្ញាក់ផ្អេីលលេីបណ្តាសញង្គម​ កាលពីព្រឹកថ្ងៃទី២៩ ខែមីនា ឆ្នាំ២០២៥​ ពាក់ព័ន្ធករណីក្រុមចោរឆក់ទូរស័ព្ទនិងរហូតឈានដល់ការធ្វើសកម្មភាពយកអាវុ.ធភ្ជ.ង់រថយន្តអ្នកធ្វើដំណើរយករថយន្តគេចខ្លួននៅចំណុចផ្លូវល្បឿនលឿន គឺសមត្ថកិច្ចចាប់ខ្លួនជនសង្ស័យបាន​ ០២នាក់ ចំណែក ០១នាក់ទៀតរត់គេច។ ក្នុងការបង្ក្រាបនេះ​ ជនសង្ស័យបានផ្ទុះអាវុ.ធមកលើកម្លាំងសមត្ថកិច្ចផងដែរ។ តែមិនមានអ្នករងេបួស។

ករណីនេះ​ កេីតនៅចំណុចផ្លូវជាតិលេខ៤​ ភូមិត្រពាំងស្វាយ​ ឃុំក្រាំងម្កាក់​ ស្រុកអង្គស្នួល។   
ជនរងគ្រោះ​ ៖ ០២នាក់ ស្រី០១នាក់
១-ឈ្មោះ អ​.ស.ល​ ភេទស្រី អាយុ៣២ឆ្នាំ ជនជាតិ​ខ្មែរ​ មុខរបរ​អាជីវករ​ ទីលំនៅ​បច្ចុប្បន្ន​នៅភូមិក្រាំងលាវ ព្រៃពួច​ ស្រុកអង្គស្នួល​ ។
២-ឈ្មោះ​ ភ.វ.ជ​ ភេទប្រុស​ អាយុ​៤២ឆ្នាំ​ ជនជាតិ​ខ្មែរ​ មុខរបរ​បុគ្គលិកក្រុមហ៊ុនឯកជន​ ទីលំនៅបច្ចុប្បន្ន​នៅ​ភូមិឧញ៉ាវាំង​ សង្កាត់​ភ្នំពេញថ្មី​ ខណ្ឌសែនសុខ​ រាជធានីភ្នំពេញ​ ។

ជនសង្ស័យចំនួន​ ០៣នាក់​ ឃាត់​ខ្លួន​០២នាក់​រួមមាន​ :​
១-ឈ្មោះ​ លី​ រតនា​ ភេទប្រុស​ អាយុ​៣២ឆ្នាំ​ ជនជាតិ​ខ្មែរ​ មុខរបរ​មិនពិត​ ស្នាក់នៅបន្ទប់ជួលក្រុងច្បារមន​ ខេត្ត​កំពង់ស្ពឺ​ (ឃាត់​ខ្លួន​)
២-ឈ្មោះ​ អ៊ី​ សុខគា​ ភេទប្រុស​ អាយុ​៤៣ឆ្នាំ​ ជនជាតិ​ខ្មែរ​ មុខរបរ​យោធា៩១១​ ទីលំនៅ​បច្ចុប្បន្ន​នៅ​ភូមិព្រៃបឹង​ សង្កាត់​កន្ទោក​ ខណ្ឌកំបូល​ រាជធានីភ្នំពេញ​ (ឃាត់​ខ្លួន​)​ ។
៣-ឈ្មោះ​ អ៊ី​ លឹមងួន ហៅម៉ូម​ ភេទប្រុស​ អាយុ​៣៧ឆ្នាំ​ ជនជាតិ​ខ្មែរ​ មុខរបរ​មិនពិត​ ទីលំនៅ​បច្ចុប្បន្ន​នៅ​ភូមិអង្គស្លែង​ សង្កាត់​ឪឡោក​ ខណ្ឌកំបូល​ រាជធានីភ្នំពេញ​ (គេចខ្លួន)​ ។

វត្ថតាងចាប់យកមានដូចជា​ :​ សម្បកគ្រាប់អាវុធខ្លី​ ចំនួន៣​ រថយន្ត​ ០២គ្រឿង​ (ម៉ាកលុចស៊ីសLX470  ពណ៌​ខ្មៅ​ ពាក់ផ្លាកលេខភ្នំពេញ2Q-6555​ និងម៉ាកលុចស៊ីសGX470​ ពណ៌ស​ ពាក់ផ្លាកលេខភ្នំពេញ​2AO-7985)​ ម៉ូតូ​០២គ្រឿង​ (ម៉ាកADV ពណ៌​ខ្មៅ​ ពាក់ផ្លាកលេខភ្នំពេញ​1LF- 4746  និងម៉ាកClick ពណ៌​ស​ ពាក់ផ្លាកលេខភ្នំពេញ​1LJ-8947 )។  អាវុធខ្លីជ័រ០១ដេីម​ ពណ៌​ខ្មៅ​

អំពីដំណេីររឿង​ :​ នៅមុនពេលកើតហេតុ​ ជនរងគ្រោះ​ឈ្មោះ​ អ.ស.ល​ បានជិះម៉ូតូពីទិសខាងលិចទៅកេីត​ដេីម្បីទៅផ្សារបែកចាន​ លុះដល់ចំណុចផ្លូវជាតិលេខ៤​ ភូមិត្រពាំងស្វាយ​ ស្រាប់តែជនសង្ស័យពីរនាក់ជិះម៉ូតូពីរគ្រឿង​ តាមពីក្រោយរួចធ្វេីសកម្មភាពឆក់កាបូបជនរងគ្រោះ​ ហេីយគេចខ្លួនបាត់​ ។

 ភ្លាមនោះកម្លាំងសមត្ថកិច្ចបានទទួលព័ត៌មាន​ពីជនរងគ្រោះ ហេីយក៏ធ្វេីការតាមជំនាញ​ និងបានដេញតាមនិងពួនស្ទាក់​ លុះដល់ចំណុចផ្លូវបេតុងភូមិព្រៃពង្ររ​ ឃុំសំបូរ​ ស្រុកសំរោងទង​ ខេត្ត​កំពង់ស្ពឺ​ កម្លាំងសមត្ថកិច្ចបានប្រទះឃេីញជនសង្ស័យទាំងពីរនាក់កំពុងជិះម៉ូតូពីរគ្រឿង​ ពេលនោះកម្លាំងសមត្ថកិច្ចបានជិះរថយន្តកៀររួចកាក់ពីមុខ​ ធ្វេីឱ្យម៉ូតូជនសង្ស័យមួយគ្រឿងដួល​ឃាត់ខ្លួនបានមួយនាក់​ឈ្មោះ​ លី​ រតនា ចំណែកជនសង្ស័យម្នាក់ទៀតឈ្មោះ​ អ៊ី​ លឹមងួន​ បានផ្តួលម៉ូតូរត់គេចខ្លួននិងបាញ់អាវុធខ្លីសំដៅមកសមត្ថកិច្ចចំនួនបីគ្រាប់​ រួចរត់គេចទៅឡេីងលេីផ្លូវល្បឿនលឿន​គីឡូម៉ែត្រលេខ១៧-១៨ ត្រង់ចំណុចភូមិព្រៃពង្ររ​ ឃុំសំបូរ​ ស្រុកសំរោងទង​ ខេត្ត​កំពង់ស្ពឺ​ នៅវេលាម៉ោង១០និង២៥នាទី​ ជនសង្ស័យបានបាញ់អាវុធខ្លីបួនទៅប្រាំគ្រាប់ដេីម្បីកាក់រថយន្តលេីផ្លូវល្បឿនលឿន​ប៉ុន្តែគ្មានអ្នកឈប់ ហេីយបន្តកាក់បានរថយន្តរបស់ជនរងគ្រោះឈ្មោះ​ ភ.វ.ជ​ រួចឡេីងតោងរថយន្តនិងបានបាញ់អាវុធសំដៅរថយន្ត​បីគ្រាប់ទៀត ពេលនោះម្ចាស់រថយន្តនិងក្រុមគ្រួសារបានឈប់និងចុះពីលេីរថយន្ត​ ទេីបជនសង្ស័យបេីករថយន្តនោះគេចខ្លួន​ ចុះពីលេីផ្លូវល្បឿនលឿន​ គេចដល់ចំណុចផ្លូវបេតុងភូមិអង្គស្នួលទី២​ ឃុំពេីក​ ស្រុកអង្គស្នួល​  ជនសង្ស័យបានទុករថយន្តចោល​ ហេីយបន្តជិះរថយន្តមួយគ្រឿងទៀតជាមួយឈ្មោះ​ អ៊ី​ សុខគា​ គេចខ្លួន។ ​ លុះដល់ចំណុចផ្លូវលំភូមិអង្គថ្ម​ ឃុំសំរោងលេី​ ស្រុកអង្គស្នួល​  ជនសង្ស័យឈ្មោះ​ អ៊ី​ លឹមងួន​ បានចុះពីលេីរថយន្តយកទៅជាមួយអាវុធខ្លីគេចខ្លួនបាត់។ ​បន្ទាប់មកកម្លាំងសមត្ថកិច្ចបានតាមទៅដល់ឃាត់បានឈ្មោះ​ អ៊ី​ សុខគា​ និងរថយន្ត​ បញ្ជូនមកអធិការដ្ឋាននគរបាលស្រុកអង្គស្នួល​  ដេីម្បីសួរនាំបន្តនីតិវិធី។ 

ចំពោះករណីខាងលើនេះកម្លាំងផ្នែកជំនាញកំពុងកសាងសំណុំរឿងបន្តតាមនិតិវិធី ។​ ហេីយតាមចាប់បក្ខពួកដែលរត់គេចខ្លួន។